Ukanda huu una mwinuko wa meta 900 – 1,200 kutoka usawa wa bahari, hupata mvua chache kiasi cha mm 500 – 600 kwa mwaka na kiwngo cha joto ni kati ya 20 °c – 30 °c.
Ukanda huu unajumuisha maeneo ya Tarafa za Pawaga, Idodi na Isimani. Mazao yanayoliwa ni pamoja na mahindi, mpunga, vitunguu, nyanya, ndizi, karanga, pamba, mtama, mhogo, maembe, machungwa, korosho, mapapai, ufuta na viazi vitamu.
2.2. UKANDA WA KATI:
Ukanda huu una mwinuko wa meta 1,200 – 1,600 kutoka usawa wa bahari, hupata mvua za wastani na juu ya wastani mm 600 – 1,000 kwa mwaka na kiwango cha joto ni kati ya 15 °c – 20 °c.
Ukanda huu unajumuisha maeneo ya Tarafa za Mlolo, Kalenga, Kiponzelo na Kata za Kising’a na Kihorogota katika Tarafa ya Isimani. Mazao yanayolimwa ni tumbaku, alizeti, kabeji, ngano, soya, mahindi, pamba nyanya, viazi vitamu, viazi mviringo, maharage, ufuta, mboga na matunda. Mazao mengine yanayoweza kustawi ni kahawa, pareto na njegere.
WATUMISHI:
Idara ya Kilimo, Umwagiliaji na Ushirika ina jumla ya watumishi 94 ambapo kati yao watumishi 22 wako Makao Makuu na watumishi 72 wapo ngazi ya Vijiji na Kata.
SHUGHULI ZINAZOFANYIKA IDARANI:
Kupanga na kusimamia mpango wa utoaji wa huduma za ugani (Agriculture Education and Extension Services) katika Wilaya kwa kushirikiana na wadau mbalimbali.
Kutoa mafunzo mbalimbali kwa wakulima juu ya kanuni bora za uzalishaji wa mazao kwa njia ya mashamba ya mfano, mashamba darasa maonesho kama vile maadhimisho ya Nanenane, semina, n.k.
Kusimamia utendaji kazi wa watumishi na kuhakikisha wanapata maslahi yao.
Kusimamia upatikanaji na usambazaji wa zana za kilimo na pembejeo ili kuongeza tija katika uzalishaji wa mazao.
Kusimamia na kutoa elimu ya uzalishaji wa mazao ya chakula, biashara, mboga na matunda ili kuwawezesha wakulima kuwa na uhakika wa chakula na kuongeza kipato katika kaya.
Kuandaa mpango wa matumizi bora ya ardhi katika kilimo na kushauri viwango vya matumizi ya pembejeo muhimu kama mbolea kufuatana na rutuba ya udongo.
Kusimamia upatikanaji wa viuatilifu na kutoa elimu ya udhibiti wa visumbufu vya mazao kama panya, ndege, wadudu na magonjwa katika mazao.
Kutoa elimu ya ushirika na kusimamia vyama vya ushirika vya Mazzo AMCOS, SACCOS na vikundi vilivyosajiliwa rasmi.
Kutoa elimu ya matumizi na uchanganyaji wa vyakula ili kuboresha lishe katika jamii.
Ukusanyaji wa taarifa muhimu za uzalishaji wa mazao, mwenendo wa mvua nakadhalika kwa ajili ya kutoa ushauri kwa wakulima.
Kusimamia ujenzi na matumizi sahihi ya miundombinu ya kilimo hususani maghala na skimu za Umwagiliaji kwa ajili ya kuiwezesha jamii kuongeza uzalishaji na kuboresha hifadhi ya mazao hasa ya nafaka.
SHUGHULI ZA KITENGO CHA UMWAGILIAJI
Majukumu ya kitengo cha umwagiliaji ni pamoja na;
Kusimamia shughuli zote za kilimo cha umwagiliaji katika Halmashauri kwa kushirikiana na Tume ya Taifa ya Umwagiliaji
Kupima na kusanifu miradi mbalimbali ya umwagiliaji kwa ajili ya kuindeleza
Kushiriki kwenye michakato ya kuandaa na kutoa zabuni zinazohusu uendelezaji wa miundombinu ya umwagiliaji
Kusimamia na kufuatilia kazi za ujenzi/ukarabati wa miundombinu
Kutoa ushauri juu ya matumizi sahihi ya rasilimali maji ili kuongeza tija yake
Kuzuia na kushiriki utatuzi wa migogoro ya wakulima wa umwagiliaji pale inapobidi
Kuhamasisha ukusanyaji wa ada ya uendeshaji na matunzo kwa mujibu wa sheria ya umwagiliaji
Kusimamia na kuhakikisha wakulima wanatunza na kuendeleleza miundombinu ya umwagiliaji iliyoboreshwa ili iwe endeelevu
Kusimamia na kuimarisha vyama vya umwagiliaji kwa kuhakikisha kwamba vinakuwa na uongozi imara kwa mujibu wa katiba zao na sheria za umwagiliaji
Kusimamia upatikanaji, uendeshaji na matengenezo ya mitambo na mashine za kilimo kama vile trekta, mashine za kukoboa mpunga na wanyamakazi.
