Halmashauri ya Wilaya katika kuimarisha sekta ya mifugo na kuongeza kipato kwa wafugaji na wananchi kwa ujumla, yafuatayo yamefanyika kuishia Disemba 2014.
Halmashauri imeendelea kukamilisha ujenzi wa machinjio ya kisasa katika Kijiji cha Nzihi. Ujenzi wa machinjio hii awamu ya kwanza umekamilika kwa 100% na inafanywa kulingana na fedha zilizotengwa Tshs 130,000,000. Fedha hizi zilitolewa na Shirika la Umoja wa Mataifa la Maendeleo ya Viwanda (UNIDO) na utekelezaji wake umefanywa kupitia Mpango wa kuendeleza kilimo wilayani (DADPs), pamoja na nguvu za wananchi.
2.2.2 Usambazaji wa Ngo’mbe bora
Halmashauri imenunua na kusambaza Ng’ombe bora 34 wa maziwa kwa vikundi vitatu katika Vijiji vya Kaning’ombe, Magubike na Lupembelwasenga, ambapo jumla ya kaya 31 zimenufaika na mradi huu. Vikundi vilivyopewa Ng’ombe wa maziwa vinaendesha mpango wa Kopa Ng’ombe lipa Ng’ombe ambapo mradi unaendelea kuenea na kunufaisha kaya mpya ambazo zitaingia kwenye mpango huu.
Halmashauri ina mpango wa kuboresha wa ng’ombe wa asili ili kuwa na uzito wenye tija katika soko, ambapo imenunua madume bora 26 ya kuboresha koo safu za Ng’ombe wa asili na kuyasambaza kwa vikundi viwili vilivyopo katika vijiji vya Nyakavangala na Ismani Tarafani. Hadi sasa kuna jumla ya vikundi 6 vilivyonufaika na mpango wa uboreshaji wa Koo - safu za Ng’ombe kwa kutumia madume bora. Vijiji vingine ni Makatapora, Ilambilole, Nyabula na Malinzanga. Jumla ya madume bora 44
