Kitengo cha Sheria cha Halmashauri ya Wilaya ya Iringa ni miongoni mwa Idara na Vitengo vya Halmashauri. Kitengo hiki, kina watumishi watatu wakiongozwa na Wakili Kissah Martin Mbilla. Watumishi wengine ni Wakili Mohamed Mgimwa and bwana Evaristo Myovela. Kitengo kinashughulika bila ukomo na mambo yafuatayo:
WAJIBU WA KITENGO CHA SHERIA
Kuiwakilisha Halmashauri Mahakama Kuu na mahakama zilizo chini yake isipokuwa Mahakama ya Mwanzo katika mashauri mbalimbali ya kimadai au, na ya kijinai ambayo Halmashauri ni mmoja baina ya wadaawa.
Kutengeneza Sheria Ndogo za Halmashauri, kuzisajiri na kusimamia utekelezaji wake.
Kuwezesha utengenezaji wa Sheria Ndogo za vijiji na kusimamia upitishwaji wake katika vikao husika na Baraza la Madiwani wa Halmashauri.
Kuwezesha mafunzo kwa wajumbe wa Mabaraza ya Kata na Vijiji juu ya uendeshaji wa mashauri kwa kuzingatia sheria, kanuni na taratibu.
Kuandaa mikataba na nyaraka za kisheria za Halmashauri.
Kupekua Mikataba mbalimbali ambayo Halmashauri inaingia kwa mujibu wa ukomo wa kisheria.
Kutoa ushauri wa kisheria kwa Halmashauri.
Kutoa mafunzo ya ufahamu wa sheria kwa madiwani wa Halmashauri.
Kutoa elimu ya ufahamu wa sheria kwa wafanyakazi wa Halmashauri kuhusiana na haki na wajibu wao kama watumishi kwa Mwajiri.
Kuhakikisha kwamba, sheria, Kanuni na Miongozo inayotolewa na Serikali inafuatwa na Halmashauri.
