Balozi wa Spain Atembelea Miradi ya Assistant Small Farmers (ASF)

Imewekwa : October 29th, 2024

Balozi wa Spain Atembelea Miradi ya Assistant Small Farmers (ASF)

Katika kutekeleza hali ya Uwekezaji Balozi wa Spain ameweza kuwekeza katika Halmashauri ya Wilaya ya Iringa Kata ya Kiwele Kijiji cha Mgera kwa kuweka vitalu vya kulima mbogamboga na matunda.

Akizungumza katika hafla ya uzinduzi wa shamba hilo Oktoba 29, 2024 Balozi Jorge Moragas amesema, anashukuru sana kupokelewa Tanzania ili kuweza kuwekeza katika njanja ya kilimo na kuwasaidia kutoa ujuzi kwa wakulima wadogo. Pia pamoja nami nimeongoza na Ndugu Gabriel Guzman ambaye ameweza kufadhili miradi hii naye amependa kuja kutembelea ili ajionee miradi ilivyofanikiwa.

Pamoja na kuwekeza katika shamba la mbogamboga Waspain hao pia wameweza kutoa msaada wa maji safi na salama kwa kuchimba kisima katika shule Shikizi ya Mgega na katika Kituo cha Afya Kiwele.

Amesema hii ni alama kubwa kwao Spain kuwa wana ushirikiano mkubwa na Tanzania katika kuleta maendeleo.

Naye Mkuu wa Wilaya ya Iringa Mhe. James Kheri amewashukuru wawekezaji hao kwa kuona kuja kuwekeza katika Halmashauri ya Wilaya ya Iringa, na ameomba kuendelea kuwekeza katika Nyanja nyingine.