Baraza la Wafanyakazi Lafanyika

Imewekwa : December 5th, 2023

Mkutano wa Baraza la Wafanyakazi Tawi la Halmashauri ya Wilaya ya Iringa Lafanyika

Mkutano wa Baraza la Wafanyakazi umefanyika Desemba 05, 2023 katika Ukumbi wa Halmashauri Ihemi kwa kujadili masuala ya Utumishi na utendaji kazi kwa kipindi cha Januari – Juni, 2023/2024.

Katika kikao hicho ambacho kimeoungozwa na Kaimu Mkurugenzi Ndugu Peter Fussi, masuala mbalimbali yamejadiliwa na kuibua hoja mbalimbali ambazo zimetolewa majibu na nyingine zitafanyiwa kazi, ambapo majibu yake yatatolewa katika mkutano ujao wa Julai – Desemba.

Kati ya mambo yaliyoibuliwa ni kama upandishwaji vyeo wa watumishi, kulipa malimbikizo kwa wakati, stahiki na madai mbalimbali ya watumishi, madai ya wastaafu, uhamisho, likizo, ugonjwa na mazishi.