DC Kheri Ahimiza Vijana Ushiriki wa Michezo

Imewekwa : June 5th, 2024

DC Kheri James Ahimiza Ushiriki wa Vijana Katika Michezo

Mkuu wa Wilaya ya Iringa Mhe. Kheri James amewahimiza vijana kushiriki katika shguli za michezo ili kuimarisha afya, kujenga umoja, kupata burudani na kuifanya michezo kuwa njia nyingine ya kujiajiri kupitia vipaji walivyo navyo.

Mheshimiwa Kheri ameyasema hayo Mei 25, 2024 katika uzinduzi wa mashindano ya soka ya Sabasaba yanayoendelea katika Kata ya Ilolompya Tarafa ya Pawaga.

Pamoja na mambo mengine, Mheshimiwa Kheri ameeleza kuwa, Serikali itaendelea kujidhatiti kwa kushirikiana na Wadau, kuisimamia Sekta ya Michezo, kwa kuibua  vipaji, kusimamia vipaji, kuimarisha miundombinu ya michezo na kukuza vipaji ili kuwa na wachezaji mahiri katika kila mchezo ili tasnia hii iendelee kuwa kimbilio la vijana wenye vipaji nchini.