DC Moyo Akabidhi Ofisi kwa Mhe. Kessy

Imewekwa : February 3rd, 2023

DC Moyo Akabidhi Ofisi kwa Mhe. Kessy

Mkuu wa Wilaya ya Nachingwea Mhe. Mohamed Hassan Moyo amemkabidhi ofisi Mkuu wa Wilaya ya Iringa Mhe. Veronica Keasy na kumueleza changamoto ambazo anatakiwa kuzifanyia kazi.

Mhe. Moyo aliwaomba Wajumbe wa Kamati ya Ulinzi na Usalama Wilaya, Watumishi wa Halmashauri zote za Wilayani humo pamoja na Wananchi kumpa ushirikiano Mkuu Wilaya ya Iringa  Mhe. Kessy. Akieleza kuwa mafaniko aliyoyapata kwa kipindi alichokaa Iringa ni matunda ya ushirikiano waliompatia, hivyo ni muhimu wakaendeleza ushirikiano huo kwa Mkuu huyo wa Wilaya.

"Kwa kweli sina neno zaidi ya kuwashukuru, Wajumbe wa Kamati ya Ulinzi na Usalama Wilaya, Watumishi wa Halmashauri zote, Viongozi wa Chama Cha Mapinduzi (CCM), na Wananchi hakika nimefanyakazi nanyi Kwa mafanikio. Nawaomna ushirikiano mlionipa muuendeleze pia kwa Mkuu wenu wa Wilaya wa sasa ambaye nimemkabidhi kijiti" Alisema Mh. Moyo.

Kwa upande wake Mkuu wa Wilaya ya Iringa Veronica Kessy mara baada ya kukabidhiwa ofisi, ameahidi kuendeleza miradi iliyoachwa na mtangulizi wake na kusisitiza ushirikiano, kwani Ofisi yake iko wazi kupokea ushauri wenye lengo la kujenga na kuoletea maendeleo zaidi Wilaya hiyo.

Mh. Kessy alitumia nafasi hiyo pia kumshukuru Mhe. Rais kwa kuendelea kuwaamini yeye na mtangulizi wake Mh. Moyo kwa kuwapa nafasi tena ya kuwa Wakuu wa Wilaya, kuwa Imani waliyopewa ni deni kwa Mh. Rais, hivyo ni wajibu wao kumsaidia kikamilifu katika kufanikisha malengo ya Serikali katika kuwaletea maendeleo wanachi wake.

Kufuatia uteuzi wa Wakuu wa Wilaya wapya na mabadiliko ya Vituo vya kazi kwa baadhi ya Wakuu wa Wilaya, Mh. Moyo aliyekuwa Mkuu wa Wilaya ya Iringa kwa sasa amekuwa Mkuu wa Wilaya ya Nachingwea Mkoani Lindi na Veronica Kessy aliyekuwa Mkuu wa Wilaya ya Misungwi Kwa sasa ni Mkuu wa Wilaya ya Iringa.