DED IRINGA DC AFUNGUA KIKAO KAZI CHA UANDAAJI WA MPANGO MKAKATI WA HALMASHAURI

Imewekwa : November 12th, 2025

Ahimiza umakini kwani mpango huu unaoandaliwa ndio unaotoa uelekeo wa Halmashauri na matumizi ya rasilimali

Mkurugenzi Mtendaji wa Halmashauri ya Wilaya ya Iringa Ndg. Robert Masunya amefungua kikao kazi cha wataalamu cha kuandaa Mpango Mkakati (Strategic Plan) wa Halmashauri unaotarajiwa kuanza 2026 hadi Juni 30, 2031.

Kikao hicho kinafanyika katika ukumbi wa Siasa ni Kilimo Iringa kuanzia tarehe 12 - 13 Novemba 2025 na kinawezeshwa na mtaalamu kutoka Chuo cha Serikali za Mitaa (LGTI - Hombolo) Ndg. Jonas Charles Kapwani.

Uandaaji wa Mpango Mkakati wa Halmashauri unaenda sambamba na tathmini ya kina ya Mpango Mkakati unaoishia 2025 ili kujua hali ya sasa na uelekeo mpya wa Halmashauri kufikia 2031.