Emanuel International Mkombozi kwa Wananchi wa Mafuluto

Imewekwa : May 15th, 2024

Emanuel International, Mkombozi wa Wananchi Mafuluto

Shirika la Emanuel International limewakomboa wananchi wa Kijiji cha Mafuluto Kata ya Mlowa na Kijiji cha Luganga Kata ya Ilolompya baada ya kuwajengea daraja/kifuko la waenda kwa miguu.

Shirika hilo ambalo lipo chini ya Kanisa la Anglikana Tanzania, lenye Makao yake Makuu nchini Uingereza limetoa msaada huo wa ujenzi wa kivuko hicho baada ya wananchi wa Kijiji hicho kuhatarisha maisha yao, na baadhi ya watu kupotea katika mto na wengine kuliwa na mamba, ambapo mto huo unaunganisha vijiji viwili vya Mafuluto na Luganga.

Akitoa shukrani katika hafla fupi ya kukabidhi daraja hilo ambayo imafenyika Mei 15, 2024 kwa Mkurugenzi Mtendaji wa Halmashauri Askofu Dkt. Joseph Mgomi ambaye alikuwa Mgeni Rasmi katika shughuli hiyo amesema, “namshukuru Mkurungenzi wa Iringa kwa kukubali kuja hapa pia nawashukuru Emanuel International kwa kutujengea daraja hili ambapo limekuwa msaada mkubwa wa wananchi hawa. Kanisa letu japo lihahubiri Injili lakini tumekuwa tukisaidia mambo mbalimbali kwa jamii kama ujenzi huu wa daraja. Hii inatuweka Kanisa kuwa karibu na Serikali, na Serikali kuwatambua Wadau wake”.

Pia Emanuel Internationa wanatengeneza majiko banifu ambayo yanatumia kuni kidogo na kuhifadhi mazingira.

Akitoa taarifa ya mradi huo Mhandisi wa Ujenzi ambaye alisimamia ujenzi huo Ndugu Andy Sharpe amesema, “haikuwa rahisi hadi kufika hapo ambapo daraja linaonekana, ujenzi ulikuwa mgumu na ikatupasa kuagiza baadhi ya vifaa nje ya nchi. Ujenzi ulianza Oktoba 05 na kukamilika Novemba 2023”.

Naye Mkurugenzi Mtendaji wa Halmashauri Ndugu Robert Masunya amelishukuru Shirika na Kanisa kwa ujumla na kuwaomba wananchi kulitunza daraja hilo, kwani daraja hili litaleta Amani na kujenga mahusiano mazuri kati ya vijiji hivi viwili, Kata hizo mbili na Tarafa hizo mbili. Pia ameagiza Watendaji wa Kata wahamasishe wananchi kuchangia kidogo fedha ili ikitokea uharibufu wowote iwe rahisi kurekebisha kwa kipato hicho kitakachopatikana.

Ndugu Masunya na kuwakaribisha tena na tena Emanuel International Halmashauri ya Wilaya ya Iringa.