KAMATI YA FEDHA, UTAWALA NA MIPANGO IRINGA DC YAKAGUA MIRADI

Imewekwa : November 10th, 2023

Kamati ya Fedha, Utawala na Mipango ya Halmashauri ya Wilaya ya Iringa leo tar 10.11.2023 imefanza ziara ya kutembelea na kukagua miradi mbalimbali ya maendeleo.

Miradi iliyotembelewa na kukaguliwa ni;

• Ukarabati wa vyumba vya madarasa Shule ya Msingi Itagutwa ambapo imekubaliwa kuwa vitajengwa vyumba vipya 2 vya madarasa na Serikalini imetoa kiasi cha Tshs. 40,000,000/- ili kufanikisha kazi hiyo.
• Kukagua miundombinu ya shule mpya ya sekondari Weru kata ya Ulanda ambapo kazi ipo kwenye hatua ya umaliziaji na uwekaji wa mifumo ya maji. Katika mradi huu serikali imetoa Zaidi ya Milioni 500 kujenga madarasa, maabara, chumba kompyuta, Ofisi za walimu, vyoo na miundombinu ya maji.
• Kukagua ukarabati wa vyumba vya madarasa Shule ya msingi Wenda ambapo pia imekubaliwa kuwa vitajengwa vyumba 3 vipya vya madarasa na tayari hatua za ukusanyaji wa vifaa zimeshaanza.
• Ukaguzi wa ujenzi wa matundu ya vyoo, mabweni na vyumba vya madarasa katika shule ya Wasichana ya Ifunda (Ifunda Girls). Ujenzi umeshakamilika na miundombinu ipo kwenye hatua ya matumizi. Mradi umetekelezwa kwa thamani ya Tshs. Milioni 347.

Kamati imempongeza Rais wa Jamhuri ya Muungano wa Tanzania Mhe. Dkt. Samia Suluhu Hassan kwa kutoa fedha za miradi yote iliyotekelezwa na ambayo ipo kwenye hatua ya utekelezaji.

Aidha kamati imepongeza viongozi wa maeneo husika kwa jitihada za kufanikisha upatikanaji wa fedha za miradi pamoja na usimamizi madhubuti wa miradi.