KAMATI YA SIASA YA CCM WILAYA IRINGA VIJIJINI YAKAMILISHA ZIARA KUKAGUA UTEKELEZAJI WA ILANI IRINGA DC

Imewekwa : August 24th, 2023

Kamati ya Siasa ya CCM Wilaya ya Iringa yakamilisha ziara kukagua utekelezaji wa Ilani Iringa DC

Kamati ya siasa ya Chama cha Mapinduzi Iringa vijijini yakamilisha ziara yake siku ya pili tarehe 22.08.2023 kukagua utekelezaji wa Ilani kwenye tarafa ya Isimani, na Pawaga – Halmashauri ya Wilaya ya Iringa.

Miradi iliyokaguliwa ni;

• Ujenzi wa Zahanati ya Kinywang’anga katika kata ya Kising’a. kazi zilizofanyika ni ujenzi wa jengo la Zahanati, miundombinu ya vyoo na mnara wa tanki la maji. Mradi umekamilika kwa gharama ya Tsh. 193,897,000/- ambapo katika kiasi hicho wananchi wamechangia 47,000,000/-na huduma imeanza kutolewa.
• Ujenzi na umaliziaji wa matundu ya vyoo matundu 16, ujenzi wa kichomea taka, ujenzi wa miundombinu ya uvunaji wa maji ya mvua, miundombinu ya kunawia mikono, kichomea taka na mnara wa tanki la maji katika shule ya msingi Ndolela. Kazi inaendelea na hatua iliyopo ni umaliziaji. Mradi umegharimu kiasi cha Tsh. 37,987,539.82/-.
• Ujenzi wa daraja la mawe na ujenzi wa barabara ya Ngano – Igula (km 4). Kazi imekamilikakwa asilimiamia moja na miundombinu ipo kwenye matumizi. Mradi huu ni sehemu ya miradi mingine iliyokuwa na bajeti ya Zaidi ya milioni 600.
• Ujenzi wa skimu ya umwagiliaji ya Mkombozi uliopo katika tarafa ya Pawaga. Mradi huu una thamani ya Tsh. Bilioni 55 kazi inaendelea ya kujenga banio na mifereji ya maji.
• Mradi wa maji Makatapola – Mbweleli katika kata ya Migoli. Mradi umekamilika na kwa asilimia mia moja na wananchi wanaendelea kupata huduma ya maji safi. Mradi umegharimu kiasi cha Tsh. Bilion 1.8 hadi kukamilika
• Mradi wa ufugaji wa Mbuzi kwa kikundi cha Nanyolai katika kijiji cha Makatapola kata ya Migoli. Kikundi kilianza na mbuzi 20 kwa na baadaye kupewa mafunzo na kupatiwa mbuzi kupitia mradi wa utuzaji wa mazingira kutoka Ofisi ya Makamu wa Rais 95 wenye thamani ya Tsh. 10,000,000/-. Mradi unaendelea vema ambapo hadi sasa mbuzi wamefikia 189.

Kamati imeridhishwa na utekelezaji wa Ilani kupitia miradi iliyotembelewa. Aidha Mwenyekiti wa CCM Wilaya ya Iringa Vijijini ndugu Costantino kihwele ametoa pongezi kwa viongozi na wataalamu wa Halmashauri ya Wilaya ya Iringa na kwa taasisi zingine za serikali kwa kazi kubwa inayofanywa na kutoa Wito wa kutunzwa kwa wannchi kuitunza ili ilete matokeo kusudiwa.