Maandalizi ya Mapokezi ya Mwenge wa Uhuru 2023

Imewekwa : March 14th, 2023

Maandalizi ya Mapokezi ya Mwenge wa Uhuru 2023

Mwenge wa Uhuru unategemewa kupokelewa Mkoani Iringa Wilayani Mufindi tarehe 01/05/2023. Mwenge huo utakabidhiwa Halmashauri ya Wilaya ya Iringa 02/05/2023 na kukimbizwa maeneo mbalimbali.

Katika kufanya maandalizi ya mapokezi ya Mwenge huo, Kamati ya Menejimenti imefanya ziara kukagua njia na miradi itakayopitiwa na Mwenge wa Uhuru.

Pamoja na maandalizi haya, yawezekana kukawa na mabadiliko kwani hii ni hatua ya awali katika maandalizi na kuona njia zinazofaa kwa ajili ya kukimbiza Mwenge wa Uhuru.

Kituo cha Kwanza:

• Mwenge wa Uhuru utapokelewa katika viwanja vya Shule ya Msingi Ulete iliyopo Kijiji cha Muwimbi Kata ya Lumuli

Kituo cha Pili:

• Shule ya Sekondari Lyandembela iliyopo Kijiji cha Ifunda Kata ya Ifunda, Mwenge utakagua mradi wa Bweni la Wasichana, Klabu ya Kupinga Madawa ya Kulevya, Klabu ya Kupinga Rushwa na kisha zoezi la kunywa chai.

Kituo cha Tatu:

• Mwenge utakagua mradi wa bwawa la maji safi lililopo Kata ya Masaka

Kituo cha Nne:

• Mwenge utafanya zoezi la upandaji miti katika vyanzo vya maji, Kijiji cha Kikombwe au Kijiji -cha Ifunda ambapo mradi unasimamiwa na RUWASA

Kituo cha Tano:

• Mwenge utakagua ujenzi wa Kituo cha Afya Magulilwa Kata ya Magulilwa

Kituo cha Sita:

• Mwenge utakagua mradi wa Ghala la Kuhifadhia Chakula lililopo Kijiji cha Tagamenda Kata ya Luhota

Kituo cha Saba:

• Kijiji cha Ugwachanya (Njiapanda ya Tosamaganga) kupata chakula cha mchana

Kituo cha Nane:

• Mwenge utaelekea kijiji cha Ifunda Kata ya Ifunda kwa chakula cha usiku na mkesha