MAANDALIZI YA MAPOKEZI YA MWENGE WA UHURU YAANZA RASMI IRINGA DC

Imewekwa : April 3rd, 2024

Shughuli za maandalizi ya mapokezi ya Mwenge wa Uhuru 2024 yameanza katika Halmashauri ya Wilaya ya Iringa ambapo team ya Menejimenti ikiongozwa na Mratibu wa Mbio za Mwenge wa Uhuru Iringa DC Bi. Sakina Mgaya imetembelea na kukagua miradi mbalimbali ambayo inatarajiwa kupitiwa na Mwenge wa Uhuru 2024.

Baadhi ya maradi iliyotembelewa ni Miradi ya Elimu (vyumba vya madarasa na mabweni ya wanafunzi), miradi ya maji, barabara, afya, mazingira, jamii sanjari na kuangalia njia nzima na itakayotumika kuifikia miradi wakati wa Mwenge wa Uhuru 2024.

Mwenge wa Uhuru 2024 katika Halmashauri ya Wilaya ya Iringa unatarajia kupokelewa mnamo mwezi June, 2024 ukitokea Halmashauri ya Mji mafinga na baadaye kukabidhiwa mkoani Dodoma.

Kauli mbiu ya mwaka huu, “Tunza Mazingira na Shiriki Uchaguzi wa Serikali za Mitaa kwa Ujenzi wa Taifa Endelevu”