Mh. Kigahe Kufunga Maonesho ya Utalii Karibu Kusini

Imewekwa : September 29th, 2023

Naibu Waziri wa Viwanda na Biashara Afunga maonesho ya Utalii Karibu Kusini

“Natoa wito kwa viongozi kuendelea kutangaza fursa za maonesho katika Mikoa yote ya Kusini kwa kuibua fursa za mazao ya Utalii na kufanya maandalizi ya kuweza kuvutia waoneshaji na wanunuzi wengi”

Kauli hii imetolewa na Naibu Waziri wa Viwanda na Biashara Mheshimiwa Exaud Kigahe alipokuwa anafunga maonesho ya Utalii Karibu Kusini Septemba 28, 2023 eneo la Kihesa-Kilolo Manispaa ya Iringa.

Mheshimiwa Kigahe ameongeza kusema kuwa, pamoja na vivutio vikubwa vilivyopo Nyanda za Juu Kusini, havitumiki sana wala kusikika hivyo kuna kazi ya ziada kuvitangaza. Utangazaji wa vivutio hivyo ndiyo nguzo kubwa ya kukuza utalii ikiwa ni pamoja na kukuza miradi mbalimbali ikianza na mradi wa Regrow.

Mh. Kigahe amesema, pamoja na jitihada za Kitaifa, kila Mkoa ujitahidi kutangaza vivutio vyake ili kukuza utalii huu, kwani kama Serikali inajitahidi kuhakikisha juhudi hizi zinafanikiwa.

Aidha, Mheshimiwa Kigahe amefurahishwa na Kaulimbiu ya Maonesho hayo inayosema “Utalii Karibu Kusini Muelekeo Mpya wa Uwekezaji” hivyo anawakaribisha wawekezaji wote waje kuwekeza katika Nyanda za Juu Kusini, kwa kujenga hotel kubwa za kisasa za Nyota Tano, na kuvutia wageni wengi zaidi wa hadhi mbalimbali kuja kutembelea Kusini.

Pia Mheshimiwa Kigahe amempongeza Mkuu wa Mkoa wa Iringa kwa ubunifu wa kuwa na mnada wa nyama choma, kwani itasaidia wananchi kuwa na kipato zaidi.

Naye Mkuu wa Mkoa wa Iringa Mheshimiwa Halima Omary Dendego ametoa shukrani nyingi kwa Waziri wa Maliasili na Utalii alipofungua maonesho hayo Septemba 23, 2023, na Wadau mbalimbali kufanikisha maonesho hayo.

Pamoja na mambo mengine Mgeni Rasmi aliweza kukabidhi tuzo kwa walishiriki katika makundi.

• Kundi la Wadau
• Norma
• Sunset Hotel
• Mout Royal Hotel
• Kundi la Wizara
• Wizara ya Maliasili na Utalii
• Wizara ya Ardhi Nyumba na Maendeleo ya Makazi
• Wizara ya Maji
• Kundi la Mkoa
• Mkoa wa Njombe
• Mkoa wa Morogoro
• Mkowa wa Mtwara
• Kundi la Taasisi
• Air Tanzania
• Polisi Tanzania
• Bodi ya Mazao Mchanganyiko
• Kundi la Utamaduni:
• Kabati Cultural Group
• Iringa Gang
• Shule ya Sekondari Miyomboni
• Kundi la Mbio za Magari
• Calvin Tailar
• Faraj Abri
• Walid
• Kundi la Pikipiki
• Nelson Mkakilwa
• Shafii
• Batista Mwinuka

Mashindano hayo yalidhaminiwa na Mbunge wa Iringa Mjini Mheshimiwa Jesca Msambatavangu.