MKURUGENZI IRINGA DC NDUGU ROBERT MASUNYA AKABIDHIWA OFISI

Imewekwa : March 21st, 2024

Mkurugenzi Mtendaji wa Halmashauri ya Wilaya ya Iringa Ndugu Robert Masunya amekabidhiwa ofisi na aliyekuwa Mkurugenzi wa Halmashauri hiyo Wakili Bashir Muhoja ambaye ameteuliwa kuwa Mkurugenzi wa Manispaa ya Songea. Makabidhiano hayo yamefanika katika Ukumbi wa Halmashauri – Ihemi yakishuhudiwa na Mwenyekiti wa Halmashauri Mhe. Steven Mhapa Machi 21, 2024.

Akizungumza na watumishi wa Halmashauri mara baada ya zoezi la makabidhiano Ndugu Robert Masunya amesisitiza juu ya masuala muhimu ya kupewa kipaombele ambayo ni ukusanyaji wa mapato, lishe, ukatili wa kijinsia na hoja za uaguzi, mambo ambayo ni  ya kusimamiwa kwa ukaribu.

Kwa upande wake Mwenyekiti wa Halmashauri Mhe. Steven Mhapa ametoa neno la ukaribisho kwa ndugu Robart Masunya ambaye amekabidhiwa ofisi na kutoa neno la shukrani kwa Wakili Bashir Muhoja kwa utumishi wake akiwa Iringa DC na kumtakia kheri anapoenda kwenye kituo chake kipya. Mhe Mhapa pia amewaasa watumishi kuishi vizuri na watu wote kwani hawawezi kujua yatakayojiri kesho.

Naye wakili Bashir Muhoja amewashukuru watumishi wote wa Halmashauri ya Wilaya ya Iringa pamoja na Baraza la Madiwani kwa ushirikiano waliouonesha kwa muda wote wa kutekeleza majukumu ya kazi na kuweka wazi kuwa yupo tayari kutoa ushirikiano ikiwa kuna jambo la kiutendaji linalohitaji ufafanuzi.