Mkuu wa Mkoa wa Iringa, Mh.Queen Sendiga akimuapisha Mkuu mpya wa Wilaya ya Iringa Mh.Mohamed Hassan Moyo leo Juni 21,2021

Imewekwa : June 21st, 2021

Ummi Mohamed (Afisa Habari na Uhusiano,Iringa -DC)

Mkuu wa Mkoa Iringa Mh.Queen Sendiga ateta na Wakuu Wapya wa Wilaya.

Mkuu wa mkoa wa Iringa Mh.Queen Sendiga leo Juni 21,2021 amewaapisha Wakuu wa Wilaya way tatu walioteuliwa na Rais Jamhuri ya Muungano wa Tanzania Mh.Samia Suluhu Hassain mwishoni mwa juma lililopita.

Wakuu wa Wilaya walioapishwa ni Mh.Mohamed Hassan Moyo ambaye aliteuliwa kuwa Mkuu wa Wilaya ya Iringa,Mh.Saadi Ahmed Mtambule ambaye aliteuliwa kuwa Mkuu wa Wilaya ya Mufindi na Peres Boniphace Magiri ambaye aliteuliwa kuwa Mkuu wa Wilaya ya Kilolo.

Mh.Sendiga aliwataka Wakuu Wapya wa Wilaya kwenda na kasi ya Mh.Rais Samia Suluhu Hassan na kutofanya kinyume na matarajio yake, kwani amewaamini na kuwapa majukumu hayo ili kuleta maendeleo kwa wananchi wa Mkoa wa Iringa.

Ghafla ya kuwaapisha Wakuu hao wa Wilaya ilifanyika katika Ukumbi wa Halmashauri ya Wilaya ya Iringa Siasa ni Kilimo na ilihudhuliwa na viongozi mbalimbali wa Chama Cha Mapinduzi na serikali, Viongozi wa Dini,Viongozi wa kimila na wananchi wa Mkoa wa Iringa.

Akizungumza muda mfupi baada ya kuapishwa Mkuu wa Wilaya ya Iringa Mh.Mohamed Hassan Moyo aliahidi ushirikiano kwa viongozi wote wa Mkoa wa Iringa katika kuhakikisha dhamira ya Rais ya Jamhuri ya Muungano wa Tanzania Mh.Samia Suluhu Hassain ya kuwatumikia wananchi na kuondoa kero inatekelezeka kwa vitendo.

“Nina ahidi nitashirikiana nanyi kwani kazi ya kuleta maendeleo ya Wilaya yetu ni kazi ya kushirikiana kati yangu mimi Mkuu wa Wilaya,Viongozi wa Chama na Serikali, lakini pia taasisi na Watumishi wote wa Wilaya ya Iringa kazi iendelee”alisema Mh.Moyo.