MKUU WA WILAYA YA IRINGA AKAGUA MAANDALIZI YA MAPOKEZI YA MWENGE

Imewekwa : June 20th, 2024

Mkuu wa Wilaya ya Iringa Mhe. Kheri James amepita na kukagua maandalizi ya miradi itakayopitiwa na Mwenge wa Uhuru 2024. Miradi itakayopitiwa na Mwenge wa Uhuru katika hHalmashauri inajumuisha miradi ya afya, kilimo, elimu, afya, miundombinu ya barabara, utunzaji wa mazingira, klabu za mapambano dhidi ya rushwa, madawa ya kulevya na klabu ya lishe, elimu juu ya ucaguzi na uwezeshwaji wa vikundi.

Aidha, Mhe. Kheri James amepata fursa ya kuonana na viongozi mbalimbali wa vijiji katika maeneo ya miradi na kuona namna walivyojiandaa na mapokezi ya Mwenge wa Uhuru 2024, ambapo kwa Halmashauri ya Wilaya ya Iringa Mwenge utapokelewa Juni 26, 2024.

Mwenge wa Uhuru 2024 una kaulimbiu kwamba, “Tunza Mazingira na Shiriki Uchaguzi wa Serikali za Mitaa kwa ujenzi wa Taifa Endelevu”