"Ni Vema Kuwakumbusha Watumishi Kufanya Kazi kwa Uadilifu" Gama

Imewekwa : February 20th, 2024

“Ni Vema Kuwakumbusha Watumishi Kufanya Kazi kwa Uadilifu” – Gama

Kauli hii imetolewa na Katibu wa Baraza la Wafanyakazi Halmashauri ya Wilaya ya Iringa Ndugu Robin Gama, alipokuwa anachangia mawazo katika Mkutano wa Baraza la Wafanyakazi uliofanyika katika Ukumbi wa Halmashauri Ihemi Februari 20, 2024, ambao umeongozwa na Mwenyekiti wake Kaimu Mkurugenzi wa Halmashauri ambaye ni Mkuu wa Idara ya Kilimo, Mifugo na Uvuvi Bi. Lucy Nyallu.

Katika Mkutano huo zimeibuka hoja mbalimbali zinazowahusu Watumishi na stahiki zao, wajumbe walitaka kujua upangaji wa vifungu unatolewa na nani na kwamba kwanini kusiwepo na vifungu vya akiba ili fedha zikija nje ya mfumo ziweze kutumika katika moja ya kifungu kilichotengwa. Kaimu Afisa Mipango Ndugu Yahya Kiliwasha, ameweza kutolewa ufafanuzi juu ya jambo hilo na kwamba upangaji wa vifungu unatolewa na Hazina, na hakuna namna ya kuweka vifungu vya akiba kutokana na ukomo wa bajeti.

Mwenyekiti aliweza kufafanua hoja mbalimbali na kuzitolea majibu, na wajumbe waliridhia majibu yote.