RAS IRINGA AFUNGUA SAMIA TEACHER'S MOBILE CLINIC

Imewekwa : January 20th, 2025

Katibu Tawala wa Mkoa wa Iringa Bi. Doris Kalasa amefungua Kliniki  yenye lengo la kisikiliza na kutatua kero za walimu Mkoani Iringa iliyofanyika katika ukumbi wa Siasa ni Kilimo Januari 20, 2025.

Bi Kalasa amesema Kliniki hii itasaidia kuongeza ari na motisha ya utekelezaji wa majukumu ya walimu na hatimaye kuongeza ufaulu katika masomo ya wanafunzi. “Kwakweli hii Kliniki inatibu vitu vingi, unampa mwalimu utulivu na jamii kwa kuwa ndio wanaokaa na Watoto” amesema.

Aidha Bi Kalasa amemshukuru Rais wa Jamhuri ya Muungano wa Tanzania Mhe. Dkt. Samia Suluhu Hassan kwa kuendelea kutatua changamoto za walimu katika kipindi hiki kifupi cha uongozi wake ambapo amepandisha vyeo vya tangu 2016, kurejesha nyongeza za mishahara kwa walimu, ajira kwa walimu na zoezi bado linaendelea, madaraja kwa mserereko yametolewa kwa walimu waliokuwa wamesahaulika, kurekebisha kikokotoo kwa wastaafu kutoka 33% hadi 40%, na kulipa madeni mbalimbali ya walimu.

Kwa upande wao baadhi ya walimu wamepongeza mpango wa kuwa na Kliniki hii na kusema kwamba wana matumaini makubwa kuwa inaenda kutatua kero zao ambazo zimetajwa na viongozi wa cwt kwa niaba yao. “Changamoto kubwa kwa walimu zinahusu miundo, madaraja na madai ya malimbikizo ya mishahara” amesema Mwalimu James Asagwile.

Kliniki hii inaratibiwa na CWT kwa kushirikiana na Ofisi ya Rais Utumishi, Ofisi ya Rais TAMISEMI,  Wizara ya Elimu, Sayansi na Teknolojia Pamoja na tume ya utumishi wa walimu