Street Tour Yawabamba Wageni

Imewekwa : September 29th, 2023

Wageni Watembelea Vivutio Katika Maonesho ya Utalii Karibu Kusini

Septemba 25, 2023 wageni wametembelea vivutio mbalimbali katika maonesho ya Utalii Karibu Kusini ambayo yanaoneshwa Mkoani Iringa eneo la Kihesa- Kilolo ambapo wadau wa Utalii kutoka Mikoa ya Kusini mwa Tanzania wametembelea maeoneo ya kihistoria kama vile Lugalo, Kikongoma pamoja na eneo ambalo alikuwa kiishi Mtemi wa Wahehe, Mtwa Mkwawa.

Akizungumza katika matembezi hayo Mtaalam wa mambo ya Kale ambaye ni Mhadhiri wa Chuo Kikuu cha Iringa Ndugu Jimson Sanga, amesema kuwa, Watanzania wanatakiwa kujivuia uwepo wa maeneo hayo ya kihistoria kutokana na kuwa na kumbukumbu nzuri za wapigania uhuru.

Ikumbukwe kuwa, maonesho ya Utalii Karibu Kusini, yameendelea Mkoani humo, yenye lengo la kukuza utalii kwa Nyanda za Juu Kusini, kupitia vivutio mbalimbali vinavyopatikana katika Mikoa hiyo, ambayo ni Morogoro, Iringa, Mbeya, Songwe, Mtwara, Ruvuma, Katavi na Njombe.

Pia wageni wameweza kujionea na kujifunza ngoma za asili, vyakula vya asili na burudani mbalimbali ambazo zimeoneshwa katika viwanja vya Kata ya Kalinga.