RC Dendego Afanya Ziara Iringa DC

Imewekwa : November 22nd, 2023

RC Afanya Ziara Ihemi

Mkuu wa Mkoa wa Iringa Mheshimiwa Halima Dendego amefanya ziara Halmashauri ya Wilaya ya Iringa Novemba 22, 2023, ambapo Makao Makuu yake yapo Kijiji cha Ihemi Kata ya Mgama, kwa kukagua jengo la Halmashauri hiyo na kutoa ushauri katika baadhi ya makosa yaliyojitokeza katika ujenzi huo.

Mheshimiwa Dendego ametoa maagizo kadhaa katika ziara yake hiyo kwa kusema, “kutokana na jengo hili kuwa kubwa na zuri sana nashauri na kuagiza kuwepo na milango (Gates) mawili ikiwa moja la kuingilia na moja la kutokea. Pia kufanyia usawazo wa ardhi na kupanda maua ili jengo liendelee kupendeza, sehemu ya Bendera pajenjewe na kuweka milingoti mizuri, usafi na kwamba mambo mengine madogomadogo yanayoendelea katika ujenzi yawekewe mpango kazi”.

Naye Mkurugenzi Mtendaji wa Halmashauri hiyo Wakili Bashir Muhoja amemshukuru Mheshimiwa Dendego kwa kuja kutembelea jengo na ushauri aliotoa ameupokea na kwenda kufanyia kazi.