Mifugo naUvuvi

IDARA YA MIFUGO NA UVUVI

0 Utangulizi

Idara ya mifugo na uvuvi ni moja ya idara za halmashauri ya Iringa, pia inaundwa na sekta mbili za mifugo na uvuvi. Sekta ya mifugo ni shughuli ya pili ya kiuchumi kwa wananchi wa halmashauri ya wilaya Iringa wanayoitegemea kupata kipato katika kaya baada ya shuguli za mazao ya kilimo. Mifugo inayofugwa ni ng’ombe, mbuzi, kondoo, kuku, nguruwe, bata, sungura na punda, pamoja na ufugaji wa samaki.

2 LENGO:

Kuongeza uzalishaji wa mifugo na mazao yake ili kuwa na uhakika wa chakula na kuinua kipato cha kaya za wafugaji, kwa kuboresha koosafu za mifugo, huduma ya afya za wanyama, ili kuwa na mifugo yenye tija katika uzalishaji na pamoja na ufugaji wa kiabishara.

Sekta ya mifugo inasimamia na kuratibu :-

Uboreshaji wa wanyama wadogo ambao ni mbuzi, kondoo, kuku, bata na nguruwe

Ufuatiliaji wa magonjwa,kinga na tiba za mifugo.

Uzalishaji wa maziwa na mazao yake na uboreshaji wa koosafu za ng’ombe

Usimamamizi na uboreshaji wa nyanda za malisho kwa kuvihimiza vijiji kutenga maeneo kwa ajili ya ufugaji

Usimamiaji mifumo ya ufuatiliaji na utambuzi wa mifugo vijijini

Kusimamia ubora wa nyama, ngozi na biashara ya mifugo minadani.

Utoaji wa elimu kwa kutumia maafisa ugani katika vijiji na kata

Sekta ya uvuvi inaratibu yafuatayo:-

Kuratibu na kusimamia doria kudhibiti uvuvi haramu katika bwawa la Mtera

Kuelimisha wavuvi na jamii juu ya usimamizi shirikishi wa mialo (BMU’s), uvuvi haramu, leseni na usajili wa vyombo vya uvuvi pamoja na mazingira ya makazi ya samaki.

Kuendeleza ufugaji wa samaki katika mabwawa ya kuchimbwa kwa wakulima na wafugaji.

MAJUKUMU;

Kutafsiri na kusimamia sera, sheria, miongozona mikakati ya mifugo na uvuvi katika ngazi ya wilaya.

Kushirikisha jamii katika kuandaa mpango wa maendeleo wilayani (DADP’s) kuendana na mahitaji ya jamii katika wilaya.

Kushirikiana na taasisi mbalimbali za utafiti ili kufanya utafiti wa mifugo, kupokea na kusambaza matumizi ya matokeo ya tafiti mbalimbali kwa wadau wa sekta ya mifugo na uvuvi.

Kuratibu na kusimamia utendajikazi wa wadau wa sekta ya mifugo wanaotoa huduma mbalimbali za maendeleo ya mifugo, kwa mujibu wa sheria na taratibu.

Kukusanya, kutunza na kutoa takwimu na taarifa na taarifa sahihi za maendeleo ya mifugo na uvuvi.

Kusimamia na kuendeleza rasilimali zinazotumika kuendeleza ufugaji

Kufanya tathimini mbalimbali za shughuli za mifugo na uvuvi, mahitaji na usambazaji pembejeo za mifugo

MIRADI

Idara inatekeleza mpango wa kuendeleza kilimo wilayani (DADPS). Mpango huu unaendeleza sekta ya mifugo katika uboreshaji wa mifugo, uzalishaji, afya ya mifugo, miundombinu ya mifugo na kujenga uwezo wa wataalamu na wafugaji katika Halmashauri,

TAARIFA NA TAKWIMU ZA IDARA

Miundombinu ya idara ya mifugo na uvuvi

Ismani inaongoza tarafa nyingine kwa asilimia 28.7 katika takwimu za mifugo kiwilaya ikifuatiwa na tarafa ya Mlolo(16.8%), kiponzelo (15.4%), Idodi (14.5%), Pawaga (12.7%) na tarafa ya kalenga yenye asilimia 11.9.

Idadi ya mifugo kikata kwa mwaka 2013-2014

Chanzo cha taarifa: Ofisi ya Mkurugenzi(W), (Idara ya Mifugo na uvuvi), Halmashauri ya wilaya ya Iringa,

 TAARIFA YA CHANJO YA MBWA 2016

Halmashauri ya wilaya ya Iringa huchanja mbwa na paka kila mwaka kuzuia ugonjwa hatari wa kichaa cha mbwa kwa binadamu na kwa wanyama wengine wenye damu moto kwa njia ya kampeni (Mass vaccination). Kampeni ya kichaa cha mbwa huhusisha uhamasishaji na utoaji elimu kwa jamii, utoaji wa chanjo kwa mbwa, ufuatiliaji wa mbwa wasiochanjwa na kuua mbwa wazururaji (Stray dogs). Katika mwaka wa 2016 Kampeni ya chanjo ya kichaa cha mbwa ilifanyika katika kipindi cha Julai hadi Oktoba katika maeneo yote ya Halmashauri. Matokeo ya zoezi hili ni kama ifuatavyo;

 a) Uhamasishaji na utaoji elimu kwa jamii; Katika kampeni ya mwaka huu, uhamasishaji na utoaji wa elimu umefanywa na wataalamu wa mifugo kwa kushirikiana na wataalamu wa afya walioko ngazi kata na vijijini.

b) Utoaji wa chanjo; Katika kipindi hiki jumla ya mbwa 12,778 walipata chanjo ya kuzuia ugonjwa wa kichaa cha mbwa kati ya 13,223. Idadi hii ni sawa na asilimia 96.6%, aidha jitihada zinaendelea kuwadhibiti wamiliki wa mbwa pamoja na kuwachukulia hatua za kisheria na kuua mbwa wote wazuraji vijiji wasiokuwa na umiliki.

c) Ufuatiliaji wa mbwa wasiochanjwa; Baada ya kukamilisha kwa zoezi la uchanjaji, ufuatiliaji wa mbwa ambao hawakupata chanjo ulifanyika na wenye mbwa kuchukuliwa hatua na watendaji wa vijiji na kata. Pamoja na kuchukuliwa hatua, wamiliki walilazimika kuwapeleka mbwa wao kupata chanjo.

d) Kuua mbwa wazururaji (wasio na wamiliki); Jumla ya mbwa 123 waliuawa na wananchi kwa kutumia silaha mbalimbali pamoja na sumu. Idadi hii inajumuisha mbwa walioonyesha dalili za ugonjwa. Kampeni ya kuua mbwa wazururaji haikufanyika kutokana na ukosefu wa fedha.

Changamoto

 • Elimu ndogo kwa wafugaji kuhusu ugonjwa na umuhimu wa chanjo

 • Kutozingatia ufugaji bora wa mbwa ambao husababisha mbwa kuuma watu na wao kupata maambukizi ya kichaa kwa urahisi.

• Ukosefu wa fedha za kununulia risasi au sumu na kuendeshea kampeni ya kuuwa mbwa. Ufumbuzi

• Kutoa elimu juu ya ugonjwa wa kichaa cha mbwa na umuhimu wa chanjo, ufugaji bora wa mbwa kwa wafugaji ikiwa ni pamoja na kuwalisha, kuwajengea sehemu ya kuishi na kuwapa matibabu stahiki.

 • Halmashauri za vijiji kwa kushirikiana na wataalam wa ugani kuwatambua mbwa wasiokuwa na mmiliki ili hatua sitahiki zichukuliwe.

• Kuchukua hautua za kisheria kwa wamiliki ambao hawajachanja na wanaoacha mbwa kuzurura nyakati za mchana.

• Wananchi kuzingatia taratibu za ufugaji wa mbwa ambapo hutakiwa kuwafungia kuanzia saa 11.00 asubuhi na kufunguliwa saa 4.00 usiku.

• Halmashauri imetunga sheria ndogo ya kudhibiti magonjwa ya mlipuko ya mifugo na bado kuidhinishwa na TAMISEMI.

TAARIFA YA CHANJO YA MBWA DHIDI YA KICHAA KWA MWAKA 2016