Idara ya Ujenzi

IDARA YA UJENZI IRINGA

UTANGULIZI

Idara ya ujenzi katika halmashauri ya wilaya ya Iringa ina mtandao wa barabara wenye jumla ya Km  1323.93. Kati ya hizo barabara kuna Km 7 ni barabara za lami sawa na 0.5%, Km 986.33 sawa na  74.5% ni za changarawe  na  jumla ya Km 330.60 sawa na 25%  ni za udongo.  Barabara za changarawe na lami hupitika vizuri karibu kwa 90% katika vipindi vyote vya mwaka lakini barabara za udongo hupitika kwa shida katika wakati wa mvua.

Pia idara inahusika moja kwa moja katika ujenzi na ukarabati wa majengo  mbalimbali ya  idara mbalimbali kaika halmashauri kwa kuhakikisha majengo hayo hayahatarishi maisha ya watumiaji.

MAJUKUMU YA IDARA

Majukumu makuu ya idara ya ujenzi ni kuhakikisha barabara zote zinapitika mwaka mzima kwa kufanya matengenezo ya barabara hizo kulingana na bajeti. Katika hilo idara inajukumu kuu la kuhakikisha kuwa wakandarasi wanaoshinda zabuni za barabara na majengo wanatekeleza kazi husika kwa ubora na viwango kulingana na mikataba yao.

MUUNDO WA IDARA NA WATUMISHI

Ili kuweza kutekeleza majukumu ya kila siku ya Idara ya ujenzi, idara ina muundo halisi wa idara  unaoundwa na watumishi mbalimbali.  Muundo wa idara ya ujenzi  upo kama hivi, Kiongozi mkuu ni mkuu wa idara na chiniyake kuna vitengo vikuu viwili ambavyo ni Kitengo cha Barabara na Kitengo cha Majengo. Kila kitengo kina mkuu wa kitengo na kuwa na wahandisi pamoja na mafundi sanifu ili kuweza kutekeleza kazi katika vitengo hivyo. Idara ina jumla ya wahandisi  watatu akiwemo mkuu wa idara, mkadiriaji majengo (QS) mmoja, mafundi sanifu saba. Pia idara ina katibu muktasi mmoja na muhudumu mmoja. Timu hii ya wataalamu kwa pamoja ndio wanaowezasha idara kuweza kutimiza majukumu ya idara ya kila siku na kuleta jija katika mkoa na taifa kwa ujumla.

MIRADI ILIYOTEKELEZA

Mradi wa lami Km 34.967 katika barabara ya Kising’a – Ilambilole – Isimani tarafani

Ujenzi wa barabara hii katika kiwango cha lami unatoka na ufadhili wa Jumuiya ya Ulaya (EU) katika halmashauri yetu. Mradi huu upo katika utekelezaji kwa sasa na kuwa na  unagharimu  (є): 5,919,667.85 ambazo ni sawa karibu na  TZS: 14,799,169,625.00.

Barabara hii inajengwa na kuwekwa lami njia moja yaani (single lane) kutokana na idadi ya watumiaji wa barabara hii. Barabara hii ikikamilika itawawezesha wananchi kusafirisha mazao yao na bidhaaa zinginezo kwa urahisi zaidi katika kipindi chote cha mwaka tofauti na hapo awali ambapo ikifika wakati wa mfua barabara hii ilikuwa ikipitika kwa shida. Ujengwaji wa barabara hii itapunguza pia gharama za usafirishaji na pia kuviinua vijiji vilivyo kandokando ya barabara hii. Vilevile barabara hii itawafanya wananchi waweze kufikia huduma muhimu  kirahisi kwa jamii husika hasa za afya na elimu kwa watoto.

Ujenzi wa barabara ya Itunundu – Kisanga

Ujenzi wa barabara hii katika kiwango cha changalawe  unatoka  katika mfuko wa barabara wa Taifa. Mradi huu upo katika utekelezaji kwa sasa na kuwa na  unagharimu  TZS: 668,022,300.00 utakapokamilika. 

Barabara hii inajengwa kwa kiwango cha changalawe lakini ni barabara ambayo  imechokwa kwa kilomita 7 mfululizo na kuinua kuinuwa tuta lake. Barabara hii ikikamilika itawawezesha wananchi kusafirisha mazao yao na bidhaaa zinginezo kwa urahisi zaidi  kutoka kijiji cha Kisanga na kupeleka katika kijiji cha Itunundu na hatimaye mjini katika kipindi chote cha mwaka tofauti na hapo awali ambapo ikifika wakati wa mfua barabara hii ilikuwa ikipitika kwa shida na wananchi walikua wakizunguka na kupita njia ya Kinyika ambayo ni ndefu. Ujengwaji wa barabara hii itapunguza pia gharama za usafirishaji na pia kuwezesha barabara ya kuingia katika gereza la Itunundu kuwa nzuri na yenye kupitika mwaka mzimz. Vilevile barabara hii itawafanya wananchi waweze kufikia huduma muhimu  kirahisi kwa jamii husika hasa za afya katika hospitali ya pawaga  na elimu kwa watoto.