Kituo cha Mahuninga Kuzinduliwa Januari

Imewekwa : December 18th, 2025

KITUO CHA AFYA MAHUNINGA KUZINDULIWA JANUARI 20, 2026

Mkuu wa Mkoa wa Iringa, Mhe. Kheri James, Desemba 18, 2025 amefanya ziara ya ukaguzi wa mradi wa Kituo cha Afya Mahuninga kilichopo Kata ya Mahuninga, kwa lengo la kujionea hatua za ukamilishaji wa mradi huo.

Katika ziara hiyo, Mhe. Kheri James amewashukuru wananchi wa Mahuninga kwa uvumilivu wao kwa kipindi chote walichokuwa wakifuata huduma za afya umbali mrefu, huku akiwahakikishia kuwa ndoto ya kuwa na kituo cha afya cha karibu imetimia.

Aidha, ameagiza vifaa kufikishwa mara moja, akisisitiza kuwa ndani ya siku saba vifaa vyote viwe vimefungwa na ujenzi kukamilika  rasmi ifikapo Januari 10, 2026, na huduma za afya kuanza kutolewa Januari 20, 2026.

Pia amewaomba wananchi kutunza na kulinda miundombinu yote iliyojengwa katika kituo hicho ili idumu na kuendelea kuwahudumia kwa muda mrefu.