IRINGA DC YAPONGEZWA KWA KASI YA UTEKELEZAJI WA MIRADI

Imewekwa : August 21st, 2023

IRINGA DC YAPONGEZWA KWA KASI YA UTEKELEZAJI WA MIRADI

Kamati ya Siasa ya Chama cha Mapinduzi Wilaya ya Iringa vijijini imefanya ziara yake tarehe 21.08.2023 kwa siku ya kwanza na kukagua miradi ya maendeleo inayotekelezwa kwenye maeneo mbalimbali ya Halmashauri ya Wilaya ya Iringa.

Miradi iliyotembelewa ni;

• Iringa Girls - ujenzi wa madarasa, mabweni na matundu ya vyoo vyenye thamani ya Tshs. 353,348,500/- ambayo yapo kwenye hatua ya umaliziaji. chanzo cha fedha ni ufadhili wa kampuni ya Barick pamoja na fedha kutoka serikali kuu
• Kata ya Kihanga – Ukarabati wa barabara ya Igangidumu – Magubike, barabara ya Makombe – Magunga na Kihanga – Magunga zenye thamani ya Tshs. 250,000,000/-. Ukarabati huu unasimamiwa na wakala wa barabara mijini na vijijini (TARURA)
• Shule ya Msingi Nzihi – Ujenzi wa Matundu 16, mnara wa tenki, kinawa mikono, kichomea taka na uvunaji wa maji ya mvua 44,237,539.82/-
• Kijiji cha Ilalasimba – mradi wa ufugaji wa ngombe wa maziwa kutoka katika kikundi cha Agape kupitia mradi wa “SLR”. Mradi ulianza kwa wanakikundi kupewa jumla ya ng’ombe 3 waliokuwa na mimba wenye thamani ya Tshs 10,000,000/- ambapo hadi sasa kuna ng’ombe 3 na ndama ambapo wanakikundi kuhapa Zaidi ya lita 24 za maziwa kwa siku.

Kamati imeweza kukagua miradi hii na kupongeza hatua iliyofikiwa pamoja na utayari wa wananchi kupokea miradi. Pia kamati  imeagiza kuwa mapungufu machache yaliyobainishwa yafanyiwe kazi.

Kwa niaba ya kamati, Mwenyekiti wa CCM Wilaya ya Iringa ndugu Kihwele ameishukuru Serikali inayoongozwa na Mhe. Dkt. Samia Suluhu Hassan Rais wa Jamhuri ya Muungano wa Tanzania kwa kutoa fedha nyingi za miradi kwenye Wilayah ii na kuwaomba wananchi kumuunga mkono kwa kazi hii.

Eitha Mhe. Mwenyekiti ametoa pongezi kwa viongozi wote walioshiriki kwenye usimamizi wa utekelezaji wa miradi na kuwaasa kuitunza ili ilete manufaa tarajiwa, “Kila mmoja anatakiwa ahakikishe analinda miundombinu hii, anaithamini na kutimiza wajibu wake kwani mtu hajulikani kwa miaka aliyoishi bali hujulikana kwa kazi alizofanya”

Kwa upande wake Mkuu wa Wilaya ya Iringa Mhe. Veronica Kessy amemshukuru Rais wa wa Jamhuri ya Muungano wa Tanzania Mhe. Dkt. Samia Suluhu Hassan kwa kutoa fedha za miradi na kuahidi kuwa changamoto chache zilizosalia zinachukuliwa na kwenda kufanyiwa kazi ikiwemo changamoto ya maji hasa kwa vijiji vya kata ya Kihanga na Nzihi.