MAADHIMISHO SIKU YA MTOTO WA AFRIKA YAFANA IRINGA DC

Imewekwa : June 15th, 2024

Kaimu Mkuu wa Wilaya ya Iringa Ndug. Michael Semindu Leo June 15,2024 ameongoza Wafanyakazi wa Halmashauri kwenye Maadhimisho ya Siku ya Mtoto  wa Afrika yaliyo fanyika katika Kata ya Lumuli Kijiji cha Muwimbi

Katika Hotuba yake Semindu amesema lazima tukubaliane kama Jamii kwamba, kukuza maarifa ya Watoto, Serikali imeweka Sera nzuri  ya kukuza maarifa kama vile Uboreshaji Mitaala ya Kufundisha, TEHAMA  yaani Sayansi na Teknolojia , mafunzo katika Vyuo vya Juu na Kati pamoja na utoaji elimu kwa ujumla wake.

Kwa upande mwingine Ndugu Semindu amesisitiza kuwa Serikali imeshirikisha viongozi wa Mila, Dini, kuchaguliwa na kuteuliwa, wajasiriamali ili kuweza kufikisha elimu hii kwa watoto na kusisitiza kutatuliwa kwa changamoto kama vile matumizi mabaya ya Teknolojia ya Habari, mmomonyoko wa maadili kwa jamii yetu, Wazazi au Walezi kutotimiza wajibu wao pamoja na Mila na Desturi zilizopitwa na wakati kama vile kukandamiza  watoto wa jinsia moja kuwa wana haki kuliko wengine.

Pamoja na hayo Bwn. Semindu amesema Serikali imekabiliana na changamoto hizo kwa kuhakikisha elimu ya  malezi na makuzi ikitolewa kwa wazazi hususani  na lishe bora kwa mtoto. Mtoto ni lazima alindwe dhidi ya vitendo vya ukatili kam kupigwa, kuchomwa moto na wazazi kuimarisha mahusiano na mawasiliano na watoto tunaowalea ili kuwa rahisi kujua mtoto ana changamoto ipi.

Vilevile Ndugu Semindu amewaomba Watalamu  wa Maendeleo ya Jamii kutoa elimu ya kutosha kuhusiana na haki sawa. Maana jamii imekuwa ikiamini kuwa ni lazima kuwe na jinsia mbili tofauti kwenye nafasi yeyote huku Kuna wengine wakipoteza nafasi. Kwa mfano nafasi ziko tano na wanawake wote ndo wanasifa wapewe wote ili kutimiza haki sawa kwa kila mtu.

Pamoja na hayo Ndugu Semindu ametoa shukrani kwa Wadau waliowezesha shughuli hiyo kufanyika kama vile Word Vison, Asas group, Compassion, Tahea na Care.

Kauli Mbiu katika Maadhimisho haya inasema, "Elimu Jumuisho kwa Watoto Izingatie, Maarifa, Maadili na Stadi za Kazi".