MWENYEKITI WA INEC MHE. JAJI MWAMBENGELE ATEMBELEA IRINGA DC

Imewekwa : September 23rd, 2025

Mwenyekiti wa Tume Huru ya Taifa ya Uchaguzi Mhe. Jaji Jacob Mwambengele mapema Septemba 23, 2025 ametembelea Halmashauri ya Wilaya ya Iringa katika kijiji cha Mtera kata ya Migoli na kupokelewa na msimamizi wa uchaguzi wa Jimbo la Kalenga na Ismani Bi. Caroline Utieno

Lengo la ziara ni kukagua na kuona hatua iliyofikiwa katika maandalizi ya Uchaguzi mkuu wa Oktoba 2025 ambapo ameweza kupokea taarifa ya kazi zinazoendelea sanjari na maandalizi ya vifaa.

Halmashauri ya Wilaya ya Iringa kupitia majimbo yake mawili, Kalenga na Ismani ina jumla ya kata 28, vijiji 134, vitongoji 745 na vituo vinavyotarajiwa kutumika kupigia kura ni 645 ambako kwenye maeneo yote hayo kazi na maandalizi mengine yanaendelea ikiwemo mikutano mbalimbali ya kampeni

Uchaguzi Mkuu wa Rais, wambunge na madiwani unatarajiwa kufanyika  Oktoba 29, 2025 ambapo kauli mbiu inayotumika ni "kura yako haki yako, jitokeze kupiga kura"

#kurayakohakiyakojitokezekupigakura